Moti i keq, përmbyten tokat bujqësore në Divjakë

Aktualitet | 10 muaj më parë

Intensiteti i lartë i shiut ka shkaktuar përmbytje në tokat bujqësore të Divjakës. Pas reshjeve të fuqishme, kanalet e kullimit nuk kanë mundur të përballojnë sasinë e ujit të grumbulluar dhe janë shkaktuar përmbytje në sipërfaqet bujqësore.

Për të menaxhuar situatën, tre hidrovore, atë të Karavastasë, Biçukas dhe Divjakës, janë aktivizuar dhe po punojnë me kapacitet të plotë për të thithur ujerat dhe parandaluar përkeqësimin e situatës.

Autoritetet lokale po monitorojnë situatën dhe janë të gatshme për çdo masë tjetër nëse është e nevojshme për të mbrojtur tokat dhe pasuritë bujqësore nga dëmet e mundshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.