Partizani fuqizon mesfushën, Kamer Qaka një hap larg të kuqve

Futboll Vendi | 10 muaj më parë

Partizani me shumë mundësi do të jetë eksperienca e parë shqiptare e mesfushorit Kamer Qaka. Ish-lojtari i Kombëtares shqiptare pritet të firmosë me të kuqtë pas largimit nga Shkëndija e Tetovës.

Qaka, 30 vjeç, u përfol ditët e fundit për një kalim të mundshëm te Tirana, por drejtori sportiv i bardhebluve, Omer Bunjaku, e hodhi poshtë si pistë, duke thënë se ishin afruar lojtarë të tjerë në atë rol. Tani mesfushori është shumë afër klubit tjetër kryeqytetas, Partizanit, që përforcon mesfushën me një element me përvojë ndërkombëtare.

Gjatë karrierës së tij Qaka ka luajtur në Norvegji, Hungari, Rumani dhe sezonet e fundit me Shkëndijën e Tetovës. Lojtari shihet si një përforcime me vlera për skuadrën e drejtuar nga trajneri Oltijon Kërnaja, ndërsa detajet e kontratës do të mësohen pasi mesfushori të firmosë.

partizani

Qaka

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.