Avari në Ujësjellësin e Vlorës, mbulohet me ujë Bulevardi “Ismail Qemali”

Aktualitet | 9 muaj më parë

Një tjetër tub i dëmtuar në rrjetin e Ujësjellësit të Vlorës ka shkaktuar përmbytje në qytet. Gjatë orëve të mbrëmjes, rreth orës 18:00, një avari në sistemin e shpërndarjes së ujit ka përmbytur Bulevardin “Ismail Qemali”.

Sipas gazetares së RTSH24, në momentin e hapjes së depozitave për furnizimin e qytetit me ujë, ka shpërthyer një tub, duke derdhur një sasi të madhe uji në bulevard. Si pasojë e presionit të lartë, rruga është mbushur me ujë, duke krijuar vështirësi për qarkullimin.

Aktualisht, ekipet teknike janë në terren dhe po punojnë për zëvendësimin e tubit të dëmtuar.

Sipas autoriteteve, ndërhyrja po kryhet me shpejtësi dhe qyteti i Vlorës nuk pritet të ketë probleme me furnizimin me ujë.

/rtsh.al/

ujesjelles

vlora

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.