Arrestohet efektivi në Krujë, shkaktoi aksident rrugor me pasojë vdekjen e një personi

Aktualitet | 9 muaj më parë

Një efektiv policie është arrestuar nga Agjencia e Mbikëqyrjes Policore pasi akuzohet se ka shkaktuar një aksident rrugor me pasojë vdekjen.

Në pranga përfundoi efektivi E. B., me detyrë Trupë shërbimi, Patrullë e Përgjithshme pranë Komisariatit të Policisë Krujë .

Ai akuzohet se duke drejtuar mjetin e tij në aksin Nikël – Larushkë, është përfshirë në një aksident rrugor, ku si pasojë ka ndërruar jetë në vendin e ngjarjes shtetasja N. Ç.

Efektivi akuzohet për kryerjen e veprës penale “Shkelja e rregullave të qarkullimit rrugor”

Materialet proceduriale u referuan në Prokurorinë Pranë Gjykatës së Shkallës së Parë të Juridiskionit të Përgjithshëm Tiranë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.