Këshilli i Bashkimit Evropian ka miratuar sot zyrtarisht paketën e parë të ndihmës financiare në kuadër të programit “SAFE”. Vendimi u jep dritën jeshile fondeve për tetë shtete anëtare, ndërsa një grup i dytë vendesh, përfshirë Italinë, do të duhet të presin edhe pak ditë për zyrtarizimin.

Sipas vendimit të marrë sot në Bruksel, vendet që përfitojnë menjëherë nga kjo mbështetje financiare janë:

Belgjika, Bullgaria, Qiproja, Danimarka, Spanja, Kroacia, Portugalia dhe Rumania.

Këto fonde janë pjesë e masave zbatuese të BE-së për të mbështetur ekonomitë e vendeve anëtare përmes programit SAFE.

Për sa i përket grupit të dytë të shteteve, ku bëjnë pjesë Italia, Greqia, Estonia, Letonia, Lituania, Polonia, Sllovakia dhe Finlanda, procesi është ende në fazën përfundimtare.

Ambasadorët e BE-së (COREPER) e kanë dhënë tashmë miratimin e tyre parimor për këto vende. Megjithatë, miratimi formal nga Këshilli i BE-së pritet të bëhet në mbledhjen e ardhshme, e cila është planifikuar për datën 17 shkurt 2026.

/rtsh.al/