Spektakli i Karnavaleve të Shkodrës ka kulmuar që të shtunën në darkë me paradën e karrove “Karnavale 2026” që, nën tingujt e muzikës dhe gjallërisë së krijuar, “pushtoi” rrugët e kryeqendrës së veriut.

Vlerat dhe gjallërinë e këtij eventi ia shtoi përformanca e shkëlqyer në teatrin “ MIgjeni” të  “3 Muskëtjerëve të Shkodrës”, Eduard Jubani, Bujar Qamili dhe Frederik Ndoci, që u ndoq nga qytetarë të shumtë edhe nga qytete të tjera të vendit.

Dita e sotme shënoi dhe fundin e një  jave Karnavalesh të mbushur plot me aktivitete , teksa qindra qytetarë ndoqën nga afër paradën e Karvanit në rrugët kryesore të qytetit si dhe ritin tradicional të diegies së dordolecit, si simbol i së keqes dhe fenomeneve negative të shoqërisë.

Koncertet, aktivitete argëtuese , maskat dhe veshjet shumëngjyrëshe, “mapping  show” ishin disa nga elementët që i dhanë gjallëri Karnavaleve , duke e kthyer qytetin në një skenë të hapur festive.

/rtsh.al/