Dy avionë F-16 të Forcave Ajrore Greke u ngritën nga Baza Ajrore Andreas Papandreu në Pafos, Qipro, për të hetuar një objekt të dyshimtë që u vërejt në hapësirën ajrore pranë Libanit. Avionët nisën misionin e tyre me qëllim identifikimin dhe trajtimin e objektit, por pas përfundimit të hetimeve nuk u gjet asnjë kërcënim dhe dy avionët u kthyen në bazën e tyre.

Autoritetet kompetente të Qipros hetuan incidentin dhe njoftuan se situata tani konsiderohet e mbyllur. Megjithatë, monitorimi i vazhdueshëm i hapësirës ajrore dhe i zonës përreth vazhdon, ndërsa po merren të gjitha masat e nevojshme sipas procedurave të përcaktuara.

Hapësira ajrore e Qipros nuk u mbyll, por për arsye operative disa fluturime u detyruan të qëndronin në pritje. Një fluturim i kompanisë Aegean Airlines u kthye në Athinë për arsye sigurie, ndërsa fluturimi tjetër u vonua paksa për t’u ulur.

Νέος συναγερμός για πιθανό ύποπτο αντικείμενο- Απογειώθηκαν τα ελληνικά f-16 pic.twitter.com/fkme86Aop4

— Sigmalive (@Sigmalivecom) March 4, 2026

Përfaqësuesi i Republikës së Qipros, Konstantinos Letymbiotis, deklaroi se incidenti ka përfunduar dhe se informacioni zyrtar do të jepet në mënyrë të vazhdueshme. Ai theksoi se autoritetet po ndjekin situatën dhe po përdorin të gjitha mjetet në dispozicion për të siguruar mbrojtjen e hapësirës ajrore dhe për të shmangur çdo rrezik të mundshëm.

/rtsh.al/