Milani fundoset në “San Siro”, mundet nga Udinese

Futboll Bota | 7 muaj më parë

Milani është në krizë serioze, duke rrezikuar tani një kualifikim në Ligën e Kampionëve që dukej i sigurt deri pak ditë më parë. Kuqezinjtë u goditën nga një humbje 3-0 përballë Udineses në San Siro në raundin e 32-të të Serie A.

Kjo ishte humbja e tretë për kuqezinjtë në katër ndeshjet e fundit, tani duke rrezikuar të kapen nga ata që i ndjekin në renditje.

Sfida u zhbllokua në minutën e 27-të nga një autogol i Bartesaghit, ndërsa Ekkelenkamp 37’ dhe Atta 71’ kompletuan fitoren 3-0 të Udineses.

Me këtë sukses Udine ngjitet në 43 pikë, ndërsa Mlani mbetet në kuotën e 63 pikëve. Tani Como dhe Juventus mund ta ngushtojnë hendekun me kuqezinjtë, duke i përfshirë ata në garën për një vend në Ligën e Kampionëve.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.