Lezhë, një 46-vjeçar humb jetën nga rryma elektrike gjatë peshkimit

Aktualitet | 7 muaj më parë

Një 46-vjeçar ka humbur jetën pasditen e sotme në zonën e Shënkollit, si pasojë e një incidenti me rrjetin elektrik. Ngjarja është regjistruar rreth orës 15:20 në lokacionin e njohur si “Ura e Shënkollit”.

Sipas informacionit paraprak të shpërndarë nga Drejtoria Vendore e Policisë Lezhë, viktima, i identifikuar me inicialet S. S., ndodhej në këtë zonë duke peshkuar me kallam. Bazuar në rindërtimin paraprak të dinamikës, dyshohet se mjeti i peshkimit ka rënë në kontakt me rrymën elektrike, duke i shkaktuar 46-vjeçarit goditje fatale.

Forcat e policisë dhe një grup i posaçëm hetimor kanë mbërritur në vendin e ngjarjes menjëherë pas marrjes së njoftimit. Aktualisht, ekspertët po kryejnë veprimet e nevojshme procedurale në terren për të përcaktuar shkaqet teknike dhe për të zbardhur rrethanat e plota të këtij aksidenti.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.