Prokurorët federalë publikuan një video që tregon momentin kur Cole Tomas Allen, 31 vjeç nga Torrance, Kaliforni, i armatosur me armë dhe thika, tentoi të sulmonte Presidentin Donald Trump gjatë darkës së Shoqatës së Korrespondentëve të Shtëpisë së Bardhë në Washington Hilton.

Jeanine Pirro, prokurore amerikane për Uashingtonin, shpërndau pamjet në rrjetet sociale mes pyetjeve mbi incidentin ku një oficer i Shërbimit Sekret u qëllua gjatë përleshjes. Pirro sqaroi se nuk ka prova që oficeri u godit nga zjarri miqësor.

Pamjet tregojnë Allen duke kaluar përmes magnetometrit dhe duke drejtuar armën drejt një agjenti të Shërbimit Sekret, i cili reagoi duke qëlluar pesë herë. Nuk është e qartë në cilin moment arma e Allen qëllon. Videoja gjashtëminutëshe përfshin edhe pamje të tij një ditë më parë, duke ecur në korridoret e hotelit dhe duke kontrolluar palestrën. 

Në momentin e sulmit, një duzinë oficerësh federalë ndodheshin pranë pikës së kontrollit, por vetëm një agjent reagoi menjëherë duke nxjerrë armën.

Allen u plagos, por nuk u qëllua drejtpërdrejt gjatë incidentit.

Drejtori i Shërbimit Sekret, Sean Curran, mbrojti planin e sigurisë, duke theksuar se sulmi u ndal brenda sekondave në perimetrin e jashtëm të flluskës së sigurisë.

Ai sqaroi se distanca nga magnetometrat deri te podiumi ku ndodhej Presidenti ishte 355 metra, me disa barriera dhe oficerë të armatosur ndërmjet.

Prokurorët zbuluan se Allen kishte bërë një foto të vetes në dhomën e hotelit pak minuta para sulmit, i pajisur me çantë fishekësh, këllëf pistolete dhe thikë.

Në një mesazh, ai e quajti veten “Vrasës Federal Miqësor”, duke aluduar për pakënaqësi ndaj administratës Trump. 

Allen u akuzua për tentativë vrasjeje të presidentit dhe dy akuza të tjera për armë zjarri, përfshirë qitje gjatë një krimi dhune. Ai përballet me burgim të përjetshëm nëse shpallet fajtor. 

Avokatët e Allen argumentuan se çështja e qeverisë bazohet në spekulime mbi qëllimin e tij, duke theksuar se shkrimet e tij nuk e përmendin Trumpin me emër.

Ata pranuan ta mbanin klientin e tyre në paraburgim për momentin, por lanë të hapur mundësinë e kërkesës për lirimin e tij para gjyqit. 

Today, we are releasing video already provided to U.S. District Court showing Cole Allen shoot a U.S. Secret Service officer during his attempt to assassinate the President at the White House Correspondents’ Dinner.

There is no evidence the shooting was the result of friendly… pic.twitter.com/a8gRXkW6BH

— US Attorney Pirro (@USAttyPirro) April 30, 2026

/rtsh.al/