Humb jetën në Divjakë traktoristi, përmbyset mjeti dhe e zë poshtë

Aktualitet | 6 muaj më parë

Një person ka humbur jetën këtë të mërkurë në fshatin Babunjë e Re të Bashkisë Divjakë, pas përmbysjes së traktorit me të cilin po punonte.

Sipas informacioneve të para, tragjedia ndodhi kur drejtuesi i traktorit llogariti gabim një kthesë, duke bërë që mjeti të rrëshqasë rreth një metër poshtë dhe të përmbyset mbi të.

Ashtu siç raporton korrespodentja e RTSH-së, Anila Sefa, drejtuesi i traktorit ka mbetur i bllokuar poshtë mjetit dhe humbi jetën në vendin e ngjarjes.

Viktima kishte përvojë mbi 20-vjeçare si traktorist ndërsa disa vite më parë, ai ishte plagosur në një nga këmbët si pasojë e një aksidenti me frezën e traktorit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.