Shtatë persona janë arrestuar nga Policia e Tiranës gjatë 24 orëve të fundit gatë dy operacioneve që janë zhvilluar për armëmbajtje pa leje dhe të organizimit të lojërave të fatit.

Gjatë operacionit “Fair Play” u zbulua se në një lokal në Vorë organizoheshin lojëra fati, ku në pranga përfunduan L. B., 61 vjeç, B. Ç., 66 vjeç, A. K., 22 vjeç, F. I., 60 vjeç, I. L., 38 vjeç dhe A. D., 50 vjeç. Gjatë kontrollit, policia sekuestroi 6 celularë dhe 900,000 lekë, të dyshuara si përfitime nga kjo veprimtari.

Një tjetër operacion vuri në pranga 25-vjeçarin K. M., pasi gjatë kontrollit të automjetit që ai drejtonte në rrugën “Myslym Keta” u gjetën 2 armë zjarri automatike me municion, të cilat dyshohet se ai i posedonte për shitje.

Si pjesë e këtyre operacioneve u sekuestruan 2 armë zjarri, 6 celularë dhe 900,000 lekë të përfituara nga lojërat e fatit.

Materialet procedurale janë referuar Prokurorisë për veprime të mëtejshme.

/rtsh.al/