Presidenti sirian bisedë telefonike me Trump: Heqja e sanksioneve amerikane, kyç për ringjalljen e ekonomisë

Amerikë | 5 muaj më parë

Presidenti sirian Ahmed al-Sharaa zhvilloi një bisedë telefonike me Presidentin amerikan Donald Trump, në të cilën diskutuan mbështetjen për ekonominë siriane dhe zhvillimet e fundit në rajon, njoftoi presidenca siriane.

Gjatë telefonatës, Sharaa theksoi se heqja e sanksioneve të mbetura të SHBA-së ndaj Sirisë është një hap thelbësor për të ringjallur ekonominë siriane dhe për të tërhequr investime të huaja.

“Presidenti Sharaa i tha Presidentit Trump se heqja e sanksioneve të mbetura amerikane është thelbësore për të revitalizuar ekonominë siriane dhe për të tërhequr investime”, thuhet në deklaratën e presidencës siriane.

Kjo telefonatë vjen në një periudhë kritike për Sirinë, teksa vendi përpiqet të dalë nga vitet e luftës dhe të rimëkëmbë ekonominë e dëmtuar rëndë nga sanksionet ndërkombëtare.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.