Vllaznia i thotë lamtumirë Europës, shkatërrohet nga Malisheva

Conference League | 4 muaj më parë

Vllaznia i thotë lamtumirë kompeticionit të Conference League pas humbjes 5-0 përballë Malishevës, ndërkohë që kishte fituar ndeshjen e parë në “Loro Boriçi” me rezultatin 2-1.

Një ndeshje pa shumë histori ajo e luajtur në Kampim Nacional, Hajvali, me skuadrën e Malishevës që kaloi në avantazh në minutën e 34-ët me anë të Ukës, i cili kompletoi dopietën personale në minutën e 52-të. Golat e tjerë u shënuan nga Xhemal Ibishi (45+2’), Arlind Veliu (57’) dhe Krenar Dulaj (90’).

Me rezultatin e përgjithshëm 6-2, Malisheva kalon në turin e dytë të Conference League ku do të përballet me Hibernian. Ndërkohë, Vllaznia i thotë lamtumirë kompeticionit me një humbje të thellë.

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.