Një 60-vjeçar i dënuar me 24 vite burgim për vrasje me paramendim është lokalizuar dhe arrestuar në Angli, me qëllim ekstradimin e tij në Shqipëri.

Në pranga u vu Sabri Sopoti, 60 vjeç, i cili u kap në kuadër të operacionit të koduar “The Wanted”, pas shkëmbimit të informacionit mes Interpol Tiranës dhe Interpol Manchester.

Gjykata e Dibrës e ka dënuar Sopotit me 24 vite burgim për veprat penale “Vrasja me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”.

Ngjarja për të cilën ai është dënuar daton më 24 dhjetor 1999, kur Sabri Sopoti dyshohet se ka vrarë me armë zjarri, automatik, shtetasin B. K.

Interpol Tirana vijon bashkëpunimin me autoritetet britanike për përfundimin e procedurave ligjore dhe ekstradimin e 60-vjeçarit në Shqipëri, ku do të vuajë dënimin e dhënë nga drejtësia shqiptare.

/rtsh.al/