Finalizohen dy operacione policore në 24 orë në Tiranë, zbardhen 6 raste vjedhjesh dhe arrestohen autorët

Aktualitet | 2 muaj më parë

Policia e Tiranës ka finalizuar në 24 orët e fundit dy operacione të koduara “Hija” dhe “Reaction”, duke vënë në pranga dy persona të dyshuar për 6 raste vjedhjesh.

Në kuadër të operacionit “Hija”, u arrestua 23-vjeçari K. M., i cili kishte thyer masën e sigurisë “Arrest në shtëpi” dhe dyshohet se ka kryer vjedhje në 5 subjekte gjatë periudhës 14–22 gusht.

Gjatë kapjes së tij në sheshin “Skënderbej”, policia i gjeti dhe sekuestruar një sasi lënde të dyshuar narkotike cannabis sativa.

Në kuadër të operacionit “Reaction”, u arrestua 31-vjeçari Sh. J., i cili akuzohet se ka vjedhur me dhunë 2 varëse një shtetaseje në rrugën e “Saraçëve”. Në cilësinë e provës materiale u sekuestruan 2 varëset e vjedhura.

Materialet procedurale i janë referuar Prokurorisë së Tiranës për veprime të mëtejshme ligjore.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.