Rama përsërit thirrjen për dialog me studentët protestues

Politikë | 2 orë më parë

Kryeministri Edi Rama ka përsëritur thirrjen për dialog ndaj studentëve që vijojnë protestën.

Në videon e publikuar në rrjetin social Facebook nga kreu i qeverisë shfaqet sofra e gurtë, mbi të cilën janë vendosur letra me mbishkrimin “Dialog”, në një tjetër apel drejtuar studentëve për t’u ulur në tryezën e bisedimeve.

Studentët protestues kanë më shumë se dy javë që vijojnë tubimet, duke kërkuar dorëheqjen e kryeministrit Edi Rama.

Pavarësisht thirrjeve të përsëritura të kreut të qeverisë për dialog, studentët kanë refuzuar deri më tani të ulen në tryezën e bisedimeve me përfaqësuesit e qeverisë, duke vijuar qëndrimin e tyre përmes protestave.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.