Moti për sot, kthjellime dhe vranësira, erë e fortë në bregdet

Aktualitet | 2 orë më parë

Ditën e sotme, vendi ynë do të ndikohet nga kushte atmosferike të qëndrueshme, ndërsa moti parashikohet të karakterizohet nga alternime kthjellimesh dhe vranësirash mesatare.

Sipas parashikimit meteorologjik, vranësirat do të bëhen hera-herës deri të dendura, kryesisht në zonat malore të territorit, por do të jenë kalimtare.

Era do të fryjë nga drejtimi verilindje–veriperëndim, me shpejtësi mesatare rreth 7 m/s. Në vijën bregdetare, veçanërisht në atë veriperëndimore, si dhe në zonat luginore, era pritet të forcohet, duke arritur shpejtësinë deri në 16 m/s. Ndërkohë, në det parashikohet valëzim i forcës 2–3 ballë.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.