Protestuesit përplasen me efektivët te Kryeministria, tentojnë të bllokojnë automjetin e policisë pas shoqërimit të dy aktivistëve

Aktualitet | 1 orë më parë

Një grup të rinjsh dhe qytetarësh janë mbledhur sërish pasditen e sotme përpara godinës së Kryeministrisë, në Bulevardin “Dëshmorët e Kombit” në Tiranë, duke vijuar protestën.

Grumbullimi i qytetarëve u shoqërua edhe me momente tensioni. Gjatë qëndrimit përballë godinës qeveritare, “është shënuar edhe një incident ndërmjet protestuesve dhe forcave të policisë”, si pasojë e të cilit janë ndaluar dy aktivistë.

Shoqërimi i tyre ka shkaktuar reagim tek protestuesit, të cilët kanë rrethuar furgonin e policisë duke tentuar të mos lejojnë shoqërimin e dy aktivistëve nga policia.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.