Kosova përballet të shtunën me Izraelin në stadiumin “Fadil Vokrri”, ndeshje e vlefshme për Grupin 3 të Nations League, Liga B. Edhe pse kundërshtari mban vendin e fundit, trajneri gjerman ka folur me vlerësim për të, por beson se “Dardanët” do të tregojnë nivelin e tyre.

Kosova vjen në këtë ndeshje me mungesa në mbrojtje, siç janë Dellova dhe Ilir Krasniqi. “Ekipi ka bërë mirë në stërvitje. Kemi dhe stërvitjen përfundimtare dhe do të përgatitemi në mënyrën më të mirë të mundshme. Kemi disa mungesa në mbrojtje, por kemi shumë lojtarë në dispozicion dhe u besojmë atyre.

Fusha është në gjendje shumë të mirë. Shumë më të mirë se në ndeshjen ndaj Austrisë. Lojtarët e Izraelit nuk kanë arsye të ankohen.

Izraeli ka ekip të mirë dhe të përgatitur. Ndeshjet e kaluara ishin me rezultat të ngushtë. Të gjitha ndeshjet ishin afër njëra-tjetrës dhe duhet të luajmë në nivelin më të lartë për të fituar”, – theksoi trajneri i “Dardanëve”. Kosova mban vendin e dytë në grup me 5 pikë, pas Austrisë.