Moti i keq, Veliaj: Ekipet në terren për të siguruar që çdo rrugë të jetë e kalueshme

Aktualitet | 2 vite më parë

Kryebashkiaku, Erjon Veliaj ka reaguar nëpërmjet një statusi në Facebook lidhur me situatën e reshjeve në Tiranë, ku ekipet e punës janë në terren për të monitoruar situatën.

“Ekipet e punës janë në terren për të monitoruar situatën e reshjeve dhe për të siguruar që çdo rrugë e qytetit të jetë e kalueshme dhe e sigurt. Nga pastrimi i pusetave, te ndihma për qytetarët”-shkruan Veliaj duke postuar dhe fotot gjatë punës në terren nga stafi i bashkisë.

Kryetari i bashkisë u bën thirrje qytetarëve, në rast se kanë ndonjë problemi në zonën e tyre të raportojnë tek aplikacioni “Tirana Ime”, ose të telefonojnë në numrin 112.

Pak më parë, ka reaguar edhe Policia Rrugore duke u bërë apel drejtuesve të automjeteve, biçikletave dhe motomjeteve për më shumë kujdes, për shkak të përkeqësimit të kushteve atmosferike.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.