Rama poston videon nga Unaza e Madhe e Tiranës: Puna vazhdon pa u ndalur!

Aktualitet | 2 vite më parë

Kryeministri Edi Rama ka publikuar këtë të shtunë në Facebook, pamje të kantierit, ku thekson se vijon puna pa u ndal dhe se deri më tani në këtë lot është realizuar 80% e punimeve.

Në lotin 4 të Unazës së Madhe të Tiranës, që kalon në zonën e Shkozës, po vijon puna me ritme të shpejta.

“Unaza e Madhe e Tiranës, ku puna vazhdon pa u ndalur. Ndërtimi i Unazës së Jashtme ku realizimi fizik ka arritur 80%”- shkruan Rama.

Ky është një nga projektet më të rëndësishme infrastrukturore në kryeqytet dhe pritet të lehtësojë trafikun, ndërsa do të lidhë Tiranën me të gjithë rrugët dalëse kombëtare.

Ky ka qenë një nga segmentet më të vështira të Unazës së Madhe të Tiranës edhe për shkak të një numri të lartë ndërtimesh pa leje.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.