Një burrë dhe një grua kanë përfunduar në pranga pasi akuzohen se në bashkëpunim me njëri-tjetrin kanë kanosur dhe marrë peng një 53-vjeçar, me qëllim për t’i marrë një shumë parash.

Ngjarja e rëndë ka ndodhur në Gjirokastër, ku 53-vjeçari është mbajtur në një banesë kundër vullnetit të tij dhe kanosej nga dy autorët që t’i jepnin atyre pasurinë.

Në pranga përfunduan – L. Ç., 45 vjeçe, banuese në Gjirokastër dhe E. T., 38 vjeç, banues në Krahës, Memaliaj për veprat penale “Heqja e paligjshme e lirisë”, “Shtrëngimi me anë të kanosjes ose dhunës për dhënie pasurie”, kryer në bashkëpunim.

Sipas policisë 53-vjeçari është mbajtur në banesën e marrë me qira nga 45-vjeçarja dhe kanosej prej saj dhe 38-vjeçarit për t’i dhënë një shumë parash.

Policia vijon hetimet për zbardhjen e plotë të ngjarjes, ndërsa materialet procedurale i kaluan Prokurorisë Gjirokastër, për veprime të mëtejshme.

/rtsh.al/