Akuzohen se lejuan kultivimin e kanabisit, AMP pezullon nga detyra 4 efektivë në Peqin

Aktualitet | 2 vite më parë

Agjencia e Mbikëqyrjes Policore ka pezulluar nga detyra 4 efektivë në Peqin, të akuzuar se lejuan kultivimin e kanabisit në banesën e një personi. Sipas AMP-së, janë pezulluar: Komisar Sh.Xh., me detyrë shef seksioni i hetimit të krimeve në volum; N/Komisar S.D., me detyrë specialist i hetimit të krimeve; Inspektor A.K, me detyrë ndihmës specialist i hetimit të krimeve; Inspektor A.K., me detyrë ndihmës specialist i policimit në komunitet.

Ata akuzohen për shpërdorim detyre, pasi hetimet zbuluan se, me veprime dhe mosveprime konkrete, lejuan kultivimin e kanabisit në dy raste në banesën e shtetasit R.B.

Hetimet vazhdojnë për përfshirjen dhe të punonjësve të tjerë në këtë aktivitet kriminal.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.