Pritet arrestimi i Salianjit, zbardhet shkresa e Prokurorisë drejtuar Kuvendit

Politikë | 2 vite më parë

Është zbardhur shkresa e Prokurorisë, drejtuar Kuvendit ku e informon për arrestimin e deputetit demokrat, Ervin Salianji, pasi Gjykata e Apelit la në fuqi dënimin me 1 vit burg për kallëzim të rremë, lidhur me çështjen “Babale”. Prokuroria kërkon nga Kuvendi marrjen e masave për ekzekutimin e vendimit për Salianjin.

Ndaj Salianjit do të zbatohen procedurat për të nisur vuajtjen e dënimit, për shkak se bëhet fjalë për një vendim të formës së prerë. Në raste të tilla, Kushtetuta parashikon se mandati i një deputeti bëhet i pavlefshëm.

Në shkresën e Prokurorisë thuhet se Salianji do ta vuaj dënimin në një burg të sigurisë së zakonshme. Ndërkohë, vetë Salianji deklaroi një ditë më parë se do të dorëzohej vetë në Polici.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.