Apeli i Tiranës lë në qeli efektivin Erjon Goxhara

Aktualitet | 2 vite më parë

Gjykata e Apelit të Juridiksionit të Përgjithshëm ka lënë në burg efektivin e policisë Erjon Goxhara, i cili akuzohet se plagosi pak javë më parë punonjësin e OSHEE-së, inxhinierin Lorenc Kosta.

Efektivi kishte bërë kërkesë në Apel për zbutjen e masës së sigurisë “arrest në burg” në “arrest shtëpie”, por Apeli vendosi të mos pranojë kërkesën e tij.

Ngjarja e rëndë ndodhi më 19 gusht, në zonën e “Komunës së Parisit”, pranë kompleksit “Kika”. Arsyetimi i Goxharës se ka qenë në situatë gjaknxehtësie nuk e bindi gjykatën për një masë më të butë, në vendimin e dhënë më 17 shtator dhe të konfirmuar ditën e sotme.

Gjykata pasi dëgjoi palët, la në fuqi masën e sigurisë “arrest me burg”, për akuzën “vrasje e mbetur në tentativë”, që kishte dhënë Gjykata e Shkallës së Parë Tiranë.

/RTSH/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.