Akuzohet se mori 1 mijë euro për të pushuar një çështje, arrest shtëpie oficerja e policisë gjyqësore

Aktualitet | 2 vite më parë

Një oficere e policisë gjyqësore të Elbasanit është lënë në “arrest shtëpie” nga Gjykata e Posaçme, pasi akuzohet për korrupsion.

Në një njoftim për mediat, SPAK bën me dije se oficerja e policisë gjyqësore me inicialet A.D., i ka marrë shumën prej 1 mijë euro një personi për të pushuar çështjen penale në ngarkim të të birit për ndërtim të paligjshëm.

Sipas SPAK, hetimet nisën pas publikimit të pamjeve mbi rastin korruptiv në një emision investigativ.

Hetimet për këtë procedim penal vazhdojnë me administrimin e provave të tjera për sqarimin e plotë të rrethanave të kësaj ngjarjeje.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.