Lejuan kultivimin e kanabisit në Mallakastër, nën hetim dy specialistë pyjesh dhe kryepleqtë e dy fshatrave

Aktualitet | 2 vite më parë

Dy specialistë pyjesh dhe kryepleqtë e fshatrave Lofkënd dhe Çyçen të Mallakastrës janë vënë në hetim pasi akuzohen për shpërdorim detyre, pasi lejuan kultivimin e parcelave në kanabis në pyjet e zonës.

Gjatë operacionit “Territori i Pastër” u zbuluan në zonën e Mallakastrës disa parcela me kanabis. Sipas policisë personat nën hetim “nuk kanë dhënë informacion në lidhje me koordinatat e mbjella me bimën narkotike”.

Nën hetim janë vënë:

-B. H., 63 vjeç, me detyrë specialist pyjesh;

-P. I., 61 vjeç, me detyrë specialist pyjesh;

-H. S., 73 vjeç, kryeplaku i fshatit Lofkënd, Mallakastër;

-G. S., 59 vjeç, kryeplaku i fshatit Çyçen, Mallakastër.

Vijojnë hetimet për zbardhjen e këtij rasti dhe identifikimin dhe kapjen e personave të tjerë që mund të jenë përfshirë në këtë veprimtari.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.