Hidhen vezë në drejtim të Bashkisë, opozita sërish protestë për dorëheqjen e Veliajt

Aktualitet | 2 vite më parë

Opozita është ngritur sërish në protestë këtë të enjte (8 gusht) para Bashkisë së Tiranës duke kërkuar dorëheqjen e kryebashkiakut Erion Veliaj.

Protestuesit kanë hedhur vezë para ambienteve të Bashkisë, ndërsa brohorasin emrin e liderit të Partisë Demokratike, Sali Berisha.

Opozita ka zhvilluar dhjetëra protesta para bashkisë për dorëheqjen e Veliajt në lidhje me incineratorin e Tiranës dhe arrestimin e 3 drejtorëve të bashkisë.

Për shkak të zhvillimit të protestës, disa prej segmenteve rrugore u bllokuan.

“Njoftojmë qytetarët se sot, prej orës 09:30 e deri në përfundim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës”, njoftonte policia.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.