Shkodër, Task Forca e ujësjellësit në terren ul numrin e debitorëve

Aktualitet | 2 vite më parë

Shtatë grupe pune të UKSH janë shpërndarë në gjithë territorin e qarkut Shkodër për përcaktimin e kontratave informale dhe lidhjet e paligjshme.

Ato synojnë të bëjnë të mundur formalizimin e çdo abonenti familjar apo biznes, si dhe për furnizimin sa më të mirë me ujë të pijshëm në pesë bashkitë e këtij qarku.

Nga 22 mijë debitorë në fillim të Reformës së Ujit, aktualisht ky numër është ulur në 16 mijë. Kjo falë edhe ndërgjegjësimit të qytetarëve për të shlyer pagesat e prapambetura dhe për të bashkëpunuar për formalizimin e kontratave dhe nënshkrimin e akt-marrëveshjeve.

Aksionet në terren do të jenë të përditshme për zbatimin sa më të saktë të saj duke apeluar ndaj qytetarëve dhe bizneseve për bashkëpunim.

Gazetar M.Gjoni

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.