Dy vatra zjarri aktive në Shkodër, era e fortë përkeqëson situatën

Aktualitet | 2 vite më parë

Në qarkun e Shkodrës janë aktive edhe dy vatra zjarri, ku edhe pse për momentin janë nën kontroll, emergjencat civile parashikojnë që të gjendja të përkeqësohet gjatë ditës për shkak të erës dhe temperaturave të larta.

Konkretisht një vatër aktive është në Mal Kolaj, ku shërbimet e pyjores janë duke punuar në drejtim të Rrjollit dhe kanë izoluar flakët, por era në zonë nuk lejon shuarjen e plotë të tyre duke u aktivizuar sërish.

Një tjetër vatër aktive është në fshatin Hoten të Bashkisë Vau i Dejës, ku momentalisht nuk rrezikohen banesat.

Që prej orëve të para të mëngjesit 12 efektiv kanë punuar për shuarjen e flakëve me pompa uji, por është kërkuar edhe ndihma e Forcave të Armatosura.

Ndërsa në Bashkinë Malësi e Madhe, Puke nuk raportohen vatra zjarri aktive.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.