Operacion antikanabis në qarkun e Shkodrës, asgjësohen mbi 29 mijë bimë

Aktualitet | 2 vite më parë

Policia ka zhvilluar një operacion të gjatë kundër kultivimit të kanabisit në Shkodrë, ku për pasojë janë asgjësuar 29 mijë bimë.

Operacioni është kryer në territoret e njësive administrative Shosh ,Guri i Zi, Ana e Malit dhe Postribë, ndërsa në mbështetje të policisë ka qenë edhe një helikopter i Forcave Ajrore, për shkak të terrenit shumë të vështirë.

Në fshatin Kokëdodë të Fushë Arrëzit u vu në pranga një 56-vjeçar, i cili dyshohet se është autori i kultivimit të 70 bimëve të kanabisit.

Policia njofton se operacioni do të vijojë nga ajri dhe nga toka. Ndërkaq, në drejtimin e Prokurorisë së Shkodrës po kryhen hetime për të identifikuar dhe nxjerrë përpara përgjegjësisë penale, autorët e kultivimit të bimëve narkotike.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.