Balla pret homologun slloven, Poklukar: Skuadra të përbashkëta hetimore kundër krimit të organizuar

Aktualitet | 2 vite më parë

Ministri i Brendshëm Taulant Balla priti në një takim zyrtar sot Ministrin e Brendshëm të Sllovenisë, Boštjan Poklukar.

Dy homologët dakordësuan në takimin e mbajtur në Tiranë, se vetëm bashkëpunimi i ngushtë mes gjithë vendeve të Ballkanit Perëndimor, e më gjerë, mbetet kyç për arritjen e rezultateve të qëndrueshme në hetimin e të gjitha formave të krimit të organizuar.

Balla dhe ministri slloven Poklukar folën gjithashtu për thellimin e bashkëpunimin në luftën ndaj migracionit të paligjshëm.

Krijimi i skuadrave të përbashkëta hetimore mes Policisë Shqiptare dhe Policisë Sllovene, sipas tyre, do të ndihmojë në luftë efikase kundër krimit të organizuar, krimit kibernetik si dhe kundër narkotikëve.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.