Rritet me mbi dy herë numri i azilkërkuesve, kryesojnë ata nga Afganistani

Aktualitet | 2 vite më parë

Të dhënat nga Departamenti i Kufirit dhe Migracionit pranë Drejtorisë së Përgjithshme të Policisë së Shtetit, tregojnë se 261 persona kërkuan azil në Shqipëri në vitin 2023.

Kjo është një rritje me më shumë se dy herë, krahasuar me një vit më parë, ku u regjistruan 125 azilkërkues.

Më të shumtë janë azilkërkues me origjinë nga Afganistani, 161 persona pse 61,7 % të azilkërkuesve gjithsej.

38 azilkërkues të tjerë ishin nga Siria dhe 25 nga Iraku.

Gjatë vitit 2023 rezultojnë 14 vendime pozitive për dhënie të statusit të mbrojtjes plotësuese për azilkërkuesit.

Nga këto vendime 5 i përkasin shtetasve me origjinë nga Iraku, 4 i përkasin shtetasve me origjinë nga Afganistani dhe pjesa mbetur i përkasin shtetasve nga Siria dhe Palestina.

/ rtsh.al /

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.