Flakët kanë përfshirë një pjesë të konsiderueshme të tribunës ‘VIP’ si dhe mjediset e brendshme të këtij stadiumi.

Nga gazetarët e RTSH-së mësohet se flakët kanë përfshirë pjesën e tribunës qendrore, duke shkaktuar dëme materiale.

Ka qenë ndërhyrja e shpejtë e shërbimit zjarrfikës ajo që ka bërë të mundur izolimin e flakëve në të gjitha ambientet e kësaj tribune dhe të dy tribunave të stadiumit.

Nuk dihet akoma nëse flakët fillimisht kanë përfshirë tribunën apo ato të ambienteve të brendshme të stadiumit

Akoma nuk dihet shkaku i zjarrit por ajo çka dihet është se nuk ka patur asnjë person brenda në stadium ndërkohë që dyshimet e para janë se zjarri mund të jetë shkaktuar në meset plastike nga temperaturat e larta.

Nuk përjashtohet mundësia e një shkëndijë elektrike brenda mjediseve të stadiumit.

Specialistet e shërbimit zjarrfikës bëjnë të ditur se zjarri ka ardhur në mjediset e jashtme të tribunës VIP, zjarr i cili mund të jetë shkaktuar nga pakujdesia e ndonjë personi që mund të ketë qenë i ulur në këto sendilje.

/rtsh.al/