Përdorte jahtin pa licencë për turizëm në Karaburun, bllokohet mjeti, gjobitet pronari

Aktualitet | 2 vite më parë

Policia kufitare e Vlorës ka bllokuar një jaht, i cili nuk ishte i pajisur me dokumentacionin e nevojshëm dhe licencën për të zhvilluar aktivitete në zonat turistike të bregdetit.

Jahti përdorej për qëllime turistike në Karaburun për transportin e turistëve, ndërsa u bllokua nga efektivët në vendin e quajtur “Zhapovel”.

Për rastin u gjobit edhe pronari i mjetit lundrues me 100 mijë lekë, pasi rezultoi se nuk ishte i pajisur me Certifikatën e Operatorit Turistik Detar, për të ushtruar aktivitetin me mjetin lundrues jaht.

Gjatë momentit të bllokimit të jahtit, në bordin e tij ishin 10 turistë të huaj.

Policia kufitare bën thirrje se në kuadër të një sezoni të sigurt do të bllokohen të gjitha mjetet lundruese që nuk kanë dokumentacionin e nevojshëm për zhvillimin e aktivitetit turistik.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.