Një ndër 50 monumentet më të bukura në botë, Xhamia e Plumbit gati për besimtarët brenda vjeshtës

Aktualitet | 3 vite më parë

Xhamia e Plumbit do të jetë gati për të pritur besimtarët brenda vjeshtës së këtij viti pas nënshtrimit të restaurimit të plotë të saj.

Xhamia e plumbit në Shkodër është cilësuar si një ndër 50 monumentet më të bukura të botës, ndërsa ecja e punimeve për rikonstruksionin e saj janë bërë publike nga kryeministri Edi Rama.

“Brenda vjeshtës së këtij viti, Xhamia e Plumbit do të jetë gati për besimtaret dhe vizitorët. Punimet po ecin me ritme të shpejta për ta kthyer aty ku i takon këtë objekt kulti të veçantë, të cilësuar si një ndër 50 monumentet më të bukura të botës”, shkruan Rama në Facebook.

Xhamia e Plumbit është monument kulture i kategorisë së parë që prej vitit 1948.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.