Me buxhetin e vitit aktual, qeveria shqiptare parashikon të realizojë një sërë investimesh të reja në funksion të përmirësimit të sistemit shëndetësor në vend.

Gjatë inspektimit të punimeve për rindërtimin e Spitalin e Krujës, Ministrja e Shëndetësisë dhe Mbrojtjes Sociale, Albana Koçiu, u shpreh se ky investim përfshin jo vetëm transformimin e ambienteve për stafin shëndetësor dhe qytetarët, por edhe zgjerim të kapaciteteve.

Gjatë fjalës së saj, ministrja u ndal edhe të kantieret e reja të infrastrukturës spitalore që parashikohet të ndërtohen në të gjithë vendin.

Spitali i ri i Krujës do të ketë kushte bashkëkohore, si dhe pajisje mjekësore të teknologjisë së fundit me qëllim që t’u ofrojë një shërbim sa më cilësor afro 83 mijë qytetarëve të kësaj zone.

Spitali i ri do të ketë një kapacitet prej 124 shtretërish, ndërsa risi e këtij investimi është shtimi i shërbimit të kontingjencës  dhe rehabilitimit. 

Gazetar: Omer Saraçi

/rtsh.al/