Shkencëtarët kanë përforcuar hipotezat se Marsi ka qenë planet ku dikur gjallonte jeta.

Madje në të mund të ketë pasur sezone të thata e të lagështa, të ngjashme me stinët në Tokë.

Shkencëtarët francezë kanë publikuar një studimin në të cilin tregohen prova fosile që sugjerojnë se planeti i kuq kishte një klimë ciklike më shumë se tre miliardë vjet më parë.

Studiuesit besojnë se stinët e lagështa dhe të thata kanë krijuar kushte ideale për zhvillimin e jetës atje, gjë që do të hapte fusha të reja kërkimi në proceset natyrore.

Lumenj dhe liqene të mëdha mendohet se janë shtrirë në të gjithë sipërfaqen e tij. Zbulimi i një terreni kaq të lashtë nuk mund të ishte kurrë i mundur në Tokë, ku pllakat tektonike vazhdimisht riorganizojnë sipërfaqen, duke shoshitur gjurmë të tilla të gjata të së kaluarës.

Kjo do të thotë se studimi i Marsit, mund t’i ndihmojë shkencëtarët të zgjidhin misterin se si filloi jeta në planetin tone.

Eksperimentet e mëparshme kanë treguar se mjedisi në fqinjin tonë planetar siguron kushtet ideale për formimin e komponimeve komplekse si acidi ribonukleik, që është i pranishëm në të gjitha qelizat e gjalla.

Gazetar: Artur Mata

/rtsh.al/