Parandalohet sulmi me dronë në Moskë, kryebashkiaku: U qëlluan nga mbrojtja ajrore

Botë | 3 vite më parë

Parandalohet sulmi me dronë në Moskë. Dy dronë luftarak ukrainas të drejtuar për në Moskë janë rrëzuar nga mbrojtja ajrore.

Lajmi është bërë me dije nga Kryebashkiaku i Moskës, Sergei Sobyanin, i cili shtoi se, sulmi kishte për synim kryeqytetin.

“Përpjekja e dy dronëve luftarakë për të fluturuar në qytet u regjistrua. Të dy u qëlluan nga mbrojtja ajrore. Shërbimet e urgjencës ishin në vendin e ngjarjes”, tha ai.

Kryebashkiaku Sobyanin sqaroi se një prej dronëve u rrëzua në zonën Domodedovo në periferi jugore të qytetit, ndërsa i dyti u rrëzua në zonën e autostradës Minsk, në perëndim të kryeqytetit.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.