Familja e ish-presidentit të SHBA-së Obama thotë se është zemërthyer për vdekjen e shefit të kuzhinës “të ngrohtë, argëtues dhe jashtëzakonisht të sjellshëm” Tafari Campbell.

Kuzhinieri personal i ish-presidentit të Shteteve të Bashkuara, Barack Obama, është gjetur i vdekur pranë shtëpisë së familjes së Obamas, në komunitetin turistik të Martha’s Vineyard.

Policia e Shtetit të Massachusetts bëri të ditur se një varkë ishte parë duke hasur vështirësi në bregun e Edgartown, në të cilën ishte parë kuzhinieri personal i Obamas, Tafari Campbell.

Campbell, 45 vjeç, ka punuar në Shtëpinë e Bardhë përpara se të vazhdonte të punonte për familjen Obama pasi presidenti i 44-të la detyrën në vitin 2016.

“Tafari ishte një pjesë e familjes sonë” tha Obama.

“Ai ishte … krijues dhe i pasionuar pas ushqimit dhe aftësisë së tij për t’i bashkuar njerëzit. Në vitet që pasuan, ne e njohëm atë si një person të ngrohtë, argëtues dhe jashtëzakonisht të sjellshëm. Kjo është arsyeja pse, kur po bëheshim gati të largoheshim nga Shtëpia e Bardhë, i kërkuam Tafarit të qëndronte me ne dhe ai pranoi bujarisht. Ai ka qenë pjesë e jetës sonë që atëherë dhe zemrat tona janë thyer që ai nuk është më.”

Campbell la pas gruan e tij, Sherise, dhe djemtë binjakë, thanë Obamas. Autoritetet filluan kërkimin për një person të zhdukur të dielën pas një raportimi se një varkë ishte zhytur në liqen.

Policia e gjeti Campbellin të mbytur. Ai nuk kishte veshur jelek shpëtimi, rreth 30 metra nga bregu dhe 2.4 metra nën ujë.

Campell, i cili jetonte në Dumfries, Virxhinia, kishte vizituar Martha’s Vineyard, një komunitet i pasur ishullor në brigjet e Massachusetts, por familja Obama nuk ishte e pranishme në momentin e incidentit, tha policia.

Vdekja e Campell po hetohet nga autoritetet.

/rtsh.al/