Sulmet ruse në Odesa dëmtojnë katedralen, të paktën një person është vrarë dhe 19 të tjerë janë plagosur

Botë | 3 vite më parë

Të paktën një person është vrarë dhe 19 të tjerë janë plagosur në sulmet e reja me raketa ruse në qytetin port të Odesa-s.

Guvernatori rajonal Oleh Kiper tha se 14 persona u shtruan në spital nga shpërthimet, duke përfshirë katër fëmijë. Katedralja historike u dëmtua rëndë nga shperthimet.

Moska ka nisur pothuajse sulme të vazhdueshme në Odesa që kur u tërhoq nga një marrëveshje historike e grurit të hënën.

Administrata ushtarake e Odesës tha se “Katedralja e Shpërfytyrimit të Kishës Ortodokse Ukrainase” (UOC) e lidhur me Moskën ishte dëmtuar rëndë.

Ndërtesa është kisha ortodokse më e madhe e Odesës dhe u shenjtërua në 1809. Ajo u shkatërrua nga Bashkimi Sovjetik në 1939, përpara se të rindërtohej në 2003 citon BBC.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.