Shtetet e Bashkuara dhe Kina, superfuqitë nënshkruese të Konventës për Ndryshimin e Klimës, të Kombeve të Bashkuara, pritet të thellojnë bashkëpunimin për të luftuar ngrohjen globale, pasi Pekini ka bërë një sërë përparimesh në këtë drejtim. 

Duke kontribuar me 25 % të sipërfaqes së gjelbër të shtuar në botë, Kina ka marrë edhe drejtimin e ndërtimit të qyteteve ekologjike. 

Në kuadër të Konventës të OKB-së, Pekini ka ndërtuar sistemin më të madh të prodhimit të energjisë së pastër në botë, ku përfshihet energjia ujore, diellore dhe ajo e erës. Qeveria kineze ka investuar thuajse 14 miliardë dollarë për ndërtimin e infrastrukturës mjedisore me qëllim ruajtjen e mjedisit, ndërsa është bërë edhe shteti numër një për prodhimin e paisjeve të energjisë së pastër. Vetëm për vitin 2022, shitjet e automjeteve elektrike arritën në 68.9 milionë, duke shënuar një rritje prej 93.4 % krahasuar me vitin 2021. 

Sipas disa raportesh, i dërguari i posaçëm i presidentit amerikan për çështjet klimatike John Kerry, i cili vizitoi Kinën disa ditë më parë, ka thënë se pati bisedime shumë harmonike e të frytshme me palën kineze dhe tha se do të punojnë më ngushtë pas samitit të ardhshëm.

Gazetar Artur Mata

/ rtsh /