SHBA/ Rrëzohet avioni privat, vdesin 6 persona

Botë | 3 vite më parë

Të gjashtë personat në bordin e një avioni të vogël kanë mbetur të vdekur, kur mjeti fluturues u rrëzua dhe shpërtheu në flakë në një fushë pranë aeroportit të Los Anxhelosit në Shtetet e Bashkuara të Amerikës.

Administrata Federale e Aviacionit ka bërë të ditur se avioni po udhëtonte nga Las Vegasi dhe u rrëzua pranë aeroportit French Valley në kontenë Riverside, rreth 137 km në jug të Los Anxhelosit rreth orës 4:15 të mëngjesit.

Pasagjerët dhe piloti që ndërruan jetë ishin të moshës madhore.

Ndërkaq, vetëm disa ditë më parë, më 4 korrik, një avion i vogël me katër pasagjerë u rrëzua pranë të njëjtit aeroport, ku mbeti i vdekur piloti dhe duke plagosur tre të mitur, transmeton Reuters.

Bordi Kombëtar i Sigurisë së Transportit do të hetojë ngjarjen ku rezultatet e hetimeve priten brenda dy javëve të ardhshme.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.