Pesë njerëz janë qëlluar për vdekje në Izrael në atë që duket të ketë qenë një sulm i lidhur me bandat kriminale.

Të shtënat masive në një lavazh makinash në qytetin arab Yafa an-Naseriyye, afër Nazaretit, besohet të ketë qenë incidenti më vdekjeprurës i tillë në vite.

Mediat izraelite sugjerojnë se mund të lidhet me një grindje mes dy familjeve. Ai pason një rritje të numrit të vrasjeve midis arabëve izraelitë, me ankesat se qeveria e po injoron problemin.

Kryeministri Benjamin Netanyahu tha se ishte i tronditur dhe se qeveria e tij ishte e vendosur të ndalonte zinxhirin e vrasjeve.

“Unë jam i vendosur të sjell Shin Bet (shërbimin e sigurisë) si një ndihmë për Policinë e Izraelit kundër këtyre kriminelëve, kundër organizatave kriminale, kundër këtyre vrasjeve,” shtoi ai.

Forcat policore thanë se oficerët kishin filluar një hetim për rrethanat e të shtënave dhe ishin në kërkim të të dyshuarve.

Shumica e viktimave janë të rinj, por gjithnjë e më shumë të tjerë janë kapur nga një valë e dhunshme krimi e lidhur me armët ilegale, grindjet familjare dhe bandat e organizuara citon BBC.

/rtsh.al/