Sulm me thikë në parkun e lodrave në Francë, plagosen 7 persona, 6 prej tyre janë fëmijë

Botë | 3 vite më parë

Shtatë persona, mes të cilëve gjashtë fëmijë kanë mbetur të plagosur si pasojë e një sulmi me thikë në qytetin Annecy në Alpet franceze.

Një person ka sulmuar me thikë qytetarët në një park pranë liqenit, duke plagosur 6 fëmijë rreth 3 vjeç.

Ministri i Brendshëm Gerald Darmanin shkroi në Twitter se fajtori u arrestua, ndërsa sqaroi se tre prej të plagosurve janë në gjendje kritike për jetën.

Zyra e kryeministres Elisabeth Borne njoftoi se ajo po udhëtonte për në vendngjarje dhe deputetët në parlamentin kombëtar mbajtën një minutë heshtje pasi lajmi për sulmin u përhap në mediat franceze.

/rtsh.al/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.