Përparimi i shpejtë i grupeve të krimit të organizuar në Amazonën braziliane rrezikon ta kthejë rajonin në një zonë të gjerë, të goditur nga konflikti, të rrënuar nga “kryengritësit kriminalë” të armatosur rëndë, ka paralajmëruar një ish-shef i lartë i policisë federale.

“Kam përjetuar se si shteti humbi kontrollin e sigurisë publike në Rio de Zhaneiro. Dhe sot në Amazon, nëse nuk bëhet asgjë përsa i përket sigurisë publike, ne po përballemi me një Rio de Zhaneiro të përmasave të kontinentit dhe një mjedis jashtëzakonisht të vështirë në xhungël”, tha Alexandre Saraiva.

Ai paralajmëroi për pasoja të tmerrshme për pyllin tropikal dhe banorët e tij nëse bandat kriminale do të lejoheshin të rriteshin në ushtri të fuqishme si fraksionet rebele në Kolumbinë fqinje.

“Do të kemi zona zjarri, konflikti të madh mes grupeve që po luftojnë për zona të nxjerrjes së paligjshme të arit dhe lëndës drusore. Në këtë mes, do të kemi viktima indigjene. Dhe ne do të përballemi me vështirësi të mëdha logjistike për ta luftuar këtë”, paralajmëroi shefi i policisë./ The Guardian

/rtsh.al/