Rreth 1200 migrantë në dy barka në brigjet e Sicilisë, autoritetet italiane ndërmarrin dy operacione për t’i shpëtuar

Botë | 4 vite më parë

Roja bregdetare italiane po ndërmerr dy operacione për shpëtimin e rreth 1200 migrantëve nga barka të mbipopulluara në brigjet e Sicilisë. Rreth 800 persona ndodhen në një barkë peshkimi, ndërsa 400 të tjerë në një barkë të dytë.

Roja bregdetare e vendit europian ka shpëtuar rreth 2 mijë persona në operacione të tjera të ndërmarra që nga e premtja që lamë pas. Numri i migrantëve që udhëtojnë drejt Italisë është rritur ndjeshëm në krahasim me vitin e shkuar, pavarësisht përpjekjeve të ndërmarra nga qeveria e koalicionit të krahut të djathë për të ndaluar migracionin e paligjshëm.

Sipas projektit të Organizatë Ndërkombëtare për Migracionin, më shumë se 26 mijë persona kanë humbur jetën ose janë zhdukur në Mesdhe që nga viti 2014.

/rtsh/

Të gjitha të drejtat e këtij materiali janë pronë ekskluzive dhe e patjetërsueshme e RTSH, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e RTSH, në të kundërt çdo shkelës do mbajë përgjegjësi sipas nenit 179 të Ligjit 35/2016.

Komentet 0

Ende nuk ka komente. Bëhuni i pari që komenton.