Papa Françesku do të udhëheqë meshën në sheshin e Shën Pjetrit të dielën, teksa nis shërbimet e Pashkëve të vitit, vetëm një ditë pas daljes nga spitali.

Ai u shtrua në spitalin Gemelli të Romës të mërkurën me vështirësi në frymëmarrje dhe më vonë u diagnostikua me bronkit .

Ndërsa 86-vjeçari u largua nga spitali të shtunën, ai konfirmoi se do të mbikëqyrte ceremoninë e së Dielës së Palmës, e ndjekur nga lutja e Engjëllit.

Në vend që të shkonte në shtëpi, makina e tij kaloi pranë Vatikanit dhe ndaloi në Bazilikën e Santa Maria Maggiore. Kur ai doli pasi u lut, njerëzit në rrugë duartrokitën dhe bërtisnin: “Rroftë Papa!”

Gjatë një ndalese tjetër, ai doli nga automjeti i tij për t’u dhënë vezë me çokollatë të Pashkëve oficerëve të policisë në autokolonën e tij.

Java e Shenjtë përfshin një orar të ngjeshur ngjarjesh dhe shërbimesh që mund të jenë fizikisht kërkuese për Papa Françeskun.

Zëdhënësi i Vatikanit Matteo Bruni tha të premten se Papa pritej të merrte pjesë në shërbesën e kësaj fundjave për të Dielën e Palmës.

/rtsh.al/