Kina hodhi poshtë të premten një rezolutë të Dhomës së Përfaqësuesve të SHBA-së, që dënonte Pekinin për një balonë të dyshuar kineze për qëllime spiunazhi, e cila u rrëzua mbi ujërat e SHBA-së. Sipas saj, rezoluta është një “manipulim dhe hamendësim thjesht politik”.

“Kina është shumë e pakënaqur me këtë dhe e kundërshton me vendosmëri rezolutën”,- u tha gazetarëve në një konferencë ditore zëdhënësi i Ministrisë së Jashtme, Mao Ning.

“Rezoluta e Kongresit të SHBA-së, ishte thjesht manipulim politik dhe hamendje”,- tha Mao.

Rezoluta, e cila u miratua njëzëri të enjten, dënoi Kinën për “shkeljen e pacipë” të sovranitetit të SHBA-së dhe përpjekjet për të “mashtruar komunitetin ndërkombëtar përmes pretendimeve të rreme në lidhje me fushatat e saj të mbledhjes së informacionit për inteligjencën”.

Republikanët kanë kritikuar administratën Biden se nuk ka vepruar më shpejt për të rrëzuar balonën, por ligjvënësit e të dyja partive votuan 419-0 në favortë rezolutës.

Kina këmbënguli se objekti ishte një balonë civile meteorologjike që kishte dalë nga kursi, por nuk ka thënë se kujt i përkiste apo nuk ka ofruar detaje të tjera. Apnews

/rtsh.al/